يخبرو انو بهولندا التلاميذ الجامعيين اللي عم يتخصصو بعلوم التمريض و بدن يستأجرو foyer، الدولة بتعطيهن مجاناً غرف ببيوت الراحة و دور العجزة. هيك الختيار ما بيحس حالو متروك و بيكون في حدا عايش معو و بنفس الوقت الطالب ما بيدفع اجار! هالمشروع نجح كتير، الكبار بالعمر فرحو برفقة الشباب و الشباب اكتسبو من خبرتن بالحياة. الزوادة اليوم بتقلنا انو عالقليلة بزمن الصوم خلينا نشيل انانيتنا عا جنب و نفكر بغيرنا. حلو نجرب نعيش مع الناس متل ما هني عايشين حتى نقدّر اكتر و اكتر النعم اللي عاطينا ياها الله! للي عم يسألو كيف معقول يعملو هالشي مثلا فيكن تزوروا مريض، تتقربوا من فقير، تسمعوا للختيار، تلعبوا مع طفل يتيم...الله معكن
No comments:
Post a Comment